Mai..

I'm writing in roman script but this has to be read as per devnagri..

Aaj mili fir
wahi chingari
jo kabhi mujhme
mere antarman ki jwala ban kar
dhadhakti thi.
Yaad aaya
woh waqt
jab mai dosto ke beech kaha karti thi
"Mai nahi badloongi khud ko",
badlegi ko yeh duniya
badlega yeh samaaj
agar isey mere saath,
mere kadam se kadam mila kar chalna hai.
Apne antarman ko
roodhiyon ke registaan mein dafan kar
kyun jeetey hai log?
Mai khadi hoon yahan
Adig,Achal,Satya ki tarah
Roshni se bharpoor,Parwaaz ko taiyaar.
Kar lo koshish
mujhey dabane ki,
mitaney ki,rokne ki..
Ya fir aao mere saath
sama jao mujhmein
Aur mehsoos karo apne pankho par
Parwaaz ki hawa
Apne chehre par, aazaad khule aasmaan ka noor!